Të shtunën në mbrëmje në Qendrën për Hapje dhe Dialog, brenda në godinën e Kryeministrisë u prezantua libri i Rudina Xhungës.
Por ky nuk ishte i vetmi aktivitet kulturor në ambjentet e selisë së qeverisë.
Fotografitë që publikoi Edi Rama në Facebook, zbulojnë një performancë të trupës së baletit, nëpër korridoret e kryeministrisë.
Ende nuk është e qartë se cilët ishin balerinët që performuan, por në njoftimin zyrtar për median, thuhet se ishte, “Një event i veçantë që ndërthuri performancën artistike, projeksionin e një filmi dhe bashkëbisedimin në Qendrën për Hapje dhe Dialog në selinë e Kryeministrisë”.
Fotografitë e publikuara nga kryeministri shoqërohen të gjitha me një pëlqim të drejtorit te Teatrit Kombëtar të Operas dhe Baletit, Ilir Kerni.
“Performanca e mrekullueshme e baletit inauguron denjesisht ambjentet e COD…per here te pare dhe e pa imagjinuar per kete ndertese!”,- ishte komenti i ilir Kernit ndaj fotografive.
Më pas drejtori i TKOB-it, nuk i ka rezistuar pëlqimit edhe për vetë komentin e tij.
